簡簡單單

喺天星識咗張慧儀，大家都係手作仔，又幾啱key，留咗個電郵畀佢。見佢有豆蜜訂購就訂樽嚟試下。 用喺塊面度，嘩，好乾淨，真係從來都未試過咁乾淨。我沖涼嗰陣攞一個指頭咁多既豆蜜鋪上塊面度，係咁捽係咁捽係咁捽，跟住等一陣，沖身嗰陣時由頭沖到落腳，差不多5分鐘度，沖完個身至洗面。用咗一個禮拜之後就覺得，嘩下，用下用下咁咪有機會去番10年前嗰陣時嗰個樣？而家用咗兩個幾禮拜，覺得都差唔多去到嘞。 第一次幫我老公做mask，佢話：「嘩，好乾淨喎，黑頭都清埋呀。」跟住佢就提議話：「你估搽落個頭又得唔得既呢？」我話：「唔知喎，要問下張慧儀至知喎。」 喺佢個網站度見到有人話用嚟洗頭就又試下。死嘞，沖水嗰陣D頭髮咁...