斷食完畢,我光著身子,站在全身鏡前,仔細觀察張慧儀,認真評估。
上身修得非常理想,下身屁股和大腿雖然總的也細了差不多兩吋,但是仍有大把改善空間。
告訴教練我打算在補食期間好好修補和鍛鍊,做一些強化下身的伸引運動。
教練話:不如練下吊番起個屁股啦,好唔好?
我個心話:吊番起個屁股都有得練?我把口就話:梗係好啦!
原來,愈坐得多的人,屁股會愈坐愈大愈下垂。
緊身衣服、慣性繃緊的坐姿、高跟鞋,都無時無刻的壓迫著下身;連接著屁股肌肉群和骨頭的小彈簧會被體重夾硬拉長或壓縮。
如果您平時少運動,日復一日地重複以上姿勢,彈簧會失去拉力,屁股繼續儲水儲脂肪,愈來愈重,先則鬆弛,後則下垂,還有可能跌到落膝頭哥後面噉話。
教練開始示範動作,我眼定定睇實實…
移椅,呢個咪係我响咸豐年前學過嗰式伸引?
我於是同教練講:喂,教練,呢一下你教過我啦,做乜而家又要學呀?
教練微微笑望著我話:係喎,噉你有冇練吖?
我即刻望咗去第二度。