102 多元豆蜜 Multi-purpose mung honey

[張慧儀]

[24/05/20 15:40] 資深豆蜜用家 李女士分享：

張慧儀，我想話你知呢個55克細樽豆蜜個size最啱我，所以今次又訂三套慢慢用。

平時我用水濕面之前，會將個豆蜜樽倒轉，等啲豆蜜流向個樽蓋；濕完面，再將樽豆蜜倒翻轉，扭開個蓋，用手指攞沾住內蓋啲豆蜜出嚟塗上面，好方便。每日用兩次，啲朋友成日問我係咪瞓得多，所以塊面有光澤。

我就快74歲喇，最鍾意就係自然，唔染頭髮，洗面都淨係用豆蜜，無再搽其他嘢咖。

看著這位眼睛也會笑的長者，慧儀心想：如果我有幸活到七十幾，皮膚有光澤眼睛又會笑，那也不錯啊。

[jessiel]

慧儀，我總共要7樽 豆蜜。

你做的豆蜜好用，個個問我皮膚咁好，我話係豆蜜功效，用完皮膚質感特別好，再搽面霜吸收好咗。
幫我做 facial 個小姐先話 我皮膚好靚，我咪又介紹比佢用囉。
應該11/6有個又問你豆蜜，就係我去做 facial 另外一個女仔問，我又介紹比佢，真心好用。

jessiel，轉眼八年，多謝您一直支持豆蜜，自己靚靚也希望別人靚靚。

推宮過血~面部及頸項引流，具去水排污效益；豆蜜+引流，效果更彰顯。

[jessiel]

慧儀，我朋友問：bb濕疹可以用嗎？

jessiel，用家分享如何用豆蜜舒緩濕疹的帖子：01、02、03、04、05

以前我經歷過嚴重濕疹那種不能人知的痛苦，見到小朋友有濕疹會感同身受，很想幫他們。
濕疹不單止痕癢和極度不舒服，還會令人情緒低落，打擊自信心，小朋友尤甚。

若您的朋友可具體告知bb的濕疹情況，我可就合適的用法提建議。

[jessiel]

上星期二約咗慧儀黃大仙地鐵站攞豆蜜，傾開至記起，原來認識佢係由2012年的美食博覽開始。
當時同朋友行美食博覽，我朋友話要揾 豆蜜 counte，當時我都唔知係咩嚟，朋友話去咪一齊去睇吓！

當時慧儀比我哋試豆蜜，停留一分鐘之後噴水抹咗佢，好神奇！隻手皮膚質感好咗，滑咗好多，之後咪買來試下，一用就用到現在，我還不停介紹朋友用。 點解咁鍾意用？因為我係一個懶人，但為咗皮膚靚d，以前每晚都會用洗臉奶清潔兩次，朝早清潔一次。用咗豆蜜後真係超方便，卸妝後 用水洗濕塊臉，之後用少少豆蜜搽落臉度，就去做其他嘢，到沖涼時一次過洗咗佢，咁就清潔完，快靚正

初時買豆蜜時會覺得好貴... 咁細樽 200g 成四百幾蚊，好貴啊！我買樽洗面奶都係三百幾蚊一大樽，但用咗後覺得好平，因為一樽200g豆蜜我差不多用咗成年

用時記住搽埋去條頸度呀... 連頸紋都無埋

[PNJ]

係呢個武肺疫情第三波爆發期間，加上天氣非常炎熱，日日戴住個口罩，一出門啲汗就已經排山倒海咁標出嚟，不停由下巴滴落嚟；最終兩邊面同下巴出晒粒粒！

第一、二次就厚敷豆蜜並磨砂，其後正常敷豆蜜洗面磨砂；連續六、七次左右，即三幾日就正常返無曬粒粒。

但仍有石頭瘡喺人中位要處理。

[林總EMILY]

張小姐：您好！
買了豆蜜給老公搽汗疹（濕疹），非常好用謝謝推介！

[張慧儀]

[16/08/20 21:13] 尋寶箱格仔店豆蜜用家 李小姐分享：

好好用。長期用，見到皮膚改善。

[CK@KWY]

沒有敏感，感覺上塊面白淨了少少。
今早起床塊面都沒有笠的感覺，平時會油油的。
用得不錯，會繼續用

[林總EMILY]

由細到大，最怕、最討厭就係生唇瘡，
除了影響儀容、還久久不能愈，煩惱得很⋯⋯當免疫力一低嘅時候，嘴巴上偶然出現少少痕癢或者丁點痛楚，我就會立刻開始擔心”係咪又生唇瘡呢? 唔好啊⋯⋯”
突然想起我有一樽豆蜜，於是諗都唔使諗拿來往嘴上一敷，本來開始紅腫的下唇，敷了一次後已經覺得舒服了不少，當天晚上趕緊再敷多次，估唔到第二日已經好了八九成，前後我只用了三次就擊退了唇瘡！



左圖：唇瘡開始發作，痕痕癢癢。中圖：敷上豆蜜。右圖：第一天敷了兩次，翌日早上起身，已經退了八九成。

當得知天然豆蜜功效繁多，還記得早幾星期冒着大雨，特意跑到西九龍中心格仔櫃買了一樽，本來是給老公搽背脊汗疹，因為他經常去釣魚，有時曬得厲害出汗多，回來就會出現紅疹，一片紅紅腫腫的，痕癢難耐。

今次只給它敷了兩次豆蜜，效果相當明顯，紅腫明顯退去，亦不再痕癢，變得又白又滑。
(可惜老公怕羞，沒有拍下照片）

往時只能在藥房買一些熱痱膏/熱痱水塗搽，但效果並不太理想，要用好一段時間才見效。

幸好得到慧儀老師推介豆蜜，
我和老公深深感受到豆蜜之神奇功效

[歐姑娘]

張慧儀，我周身都好痕，記起用豆蜜沖涼可以止痕，你賣一樽畀我啦。

好，預您一樽。